Сари: Ако не победиме, ќе ги убијам моите фудбалери

10 декември 2019 - 21:09

Маурицио Сари им се „закани“ на своите фудбалери пред дуелот со Баер Леверкузен во Лигата на шампионите.

Тимот од Торино веќе го обезбеди пласманот во осминафиналето, но тренерот и покрај тоа сака победа. Сари е во серија од 21 натпревар во Европа без пораз, па сака низата да продолжи и во Леверкузен.

„21 натпревар по ред во Европа? Некаде прочитав дека тоа е најдолга низа во Европа. Ако играчите утре не победат, ќе ги убијам. Јасно дека во оваа низа најмногу го паметам финалето во Лигата на Европа со Челси, кое и го освоивме“, рече Сари.