Проблеми во Мадрид: Уште една ѕвезда го крена гласот поради мала минутажа!

12 февруари 2026 - 14:45

По проблемите со Дани Карвахал, кој најверојатно ќе го напушти Реал Мадрид на крајот на сезоната, шпанскиот гигант има нова главоболка поради нездоволството на Давид Алаба.

Искусниот дефанзивец на „кралевите“ не е задоволен од својот статус во тимот и малата минутажа која ја добива оваа сезона.

Австрискиот репрезентативец не ја крие фрустрацијата поради фактот дека не добива шанса на теренот и бара објаснување зошто тренерот Алваро Арбелоа не му дава минутажа.

Засега не е познат ставот на „кралевите“ за иднината на Алаба, но најверојатно наскоро ќе биде донесена конечна одлука.

Фото: Facebook/Real Madrid C.F.