Педро: Ѝ благодарам на Рома што ме продаде во најдобриот клуб во Рим - Лацио!

Големо е ривалството меѓу римските екипи, Рома и Лацио, а Педро само ја подгрева атмосферата до следното градски дерби.

Тој играше за Рома, но кога пристигна Мурињо беше испратен во Лацио за кој уште настапува.

„Ѝ благодарам на Рома што ме продаде во најдобриот тим од главниот град кој се вика Лацио. Се надевам дека ќе постигнам уште еден гол во дербито, сонувам за трофеј со Лацио пред да заминам. Можеме да ја освоиме Лига Европа. Ако тоа се случи ќе се фрлам во Фонтана ди Треви“, рече Педро.