Официјално: Реал Мадрид го ангажираше првото засилување! (ФОТО)

14 март 2019 - 12:23

Реал Мадрид во овие моменти потврди дека клубот се договорил со Порто за ангажирање на младиот дефанзивец Едер Милитао.

Трансферот ќе изнесува неверојатни 50 милиони евра, а фудбалерот со „кралевите“ потпиша договор на шест години.

Станува збор за фудбалер кој во Порто пристигна минатото лето од Сао Паоло за шест милиони евра, а може да игра на неколку позиции во одбраната.

За него интерес претходно покажуваше и Манчестер јунајтед, но Реал беше побрз и го договори дефанзивецот.