Нема да чека многу за нов ангажман: Арсен Венгер се сели во Германија!?

Венгер пред неколку дена соопшти дека заминува од тимот на „топчиите“ и предизвика голем број шпекулации. Сега се бара негова замена во Лондон, а во исто време, се шпекулира каде би можел Французинот да ја продолжи кариерата.

Наводно, ПСЖ е заинтересиран за ангажирање на Французинот, но „Телефут“ пишува дека не е исклучена можноста да седне на тренерското место во Борусија Дортмунд. Се шпекулира дека „милионерите“ се подготвени за преговори со Венгер.

Французинот на клупата на Арсенал седеше 22 години, а со „топчиите“ освои три титули во Премиерлигата, седум ФА купа, а исто толку Комјунити Шилд.