Мурињо го бара Димитриевски да брани за Фенербахче

12 август 2025 - 08:12

Фенербахче бара нов голман за следната сезона, а италијанскиот новинар Матео Морето објави дека македонскиот чувар на мрежата Столе Димитриевски е голема желба на тренерот Жозе Мурињо.

Мурињо сака да го ангажира Димитриевски, кој не е среќен во Валенсија и веќе некое време има шпекулации за неговата иднина.

Димитриевски во кариерата бранеше за Работнички, Гранада, Кадиз Б, Химнастик, Рајо Валјекано и Валенсија, а го носи и репрезентативниот дрес.

Македонскиот голман во изминатиот период се поврзуваше и со шпанската екипа Елче и Мајорка, но Фенербахче делува како подобра опција во моментов.