Милан понудил 30 милиони евра за најдобриот играч во белгиското првенство - Бриж одби

„Росонерите“ понудиле 30 милиони евра, но за белгискиот клуб таа сума не е доволна и бара меѓу 45 и 50 милиони евра. Всушност, првиот одговор од Бриж бил дека Јашари не е на продажба, но ако Милан инсистира на тоа, ќе треба да ја плати бараната отштета. Слично искуство Милан имаше и во 2022 година кога од Бриж го купуваше Шарл де Кетеларе, преговорите траеја повеќе од еден месец, за на крајот италијанскиот клуб да плати 35 милиони евра.

Јашари е интернационалец од Швајцарија, но неговите родители имаат потекло од Македонија. Во Бриж стигна лани од Луцерн за шест милиони евра, но очигледно е дека белгискиот гигант на него добро ќе заработи. Оваа сезона Јашари беше прогласен за најдобар фудбалер во првенството на Белгија, а со оглед на тоа што нема ни 23 години, стручњаците тврдат дека му претстои блескава иднина.

Што се однесува до Милан, раководството во моментов не е расположено да потроши 45-50 милиони евра за Јашари, па најверојатно ќе бара друга алтернатива за средниот ред.