Мбапе ги надмина Меси и Роналдо - побрзо стигна од нив до 400 голови!

15 ноември 2025 - 08:58

Францускиот напаѓач Килијан Мбапе се наоѓа во одлична форма, а тоа го покажуваат и бројките кои ги има зад своето име и во моментов се подобри од Лионел Меси и Кристијано Роналдо.

Доколку се спореди нивната возраст на која стигнале до 400 голови во кариерата, тогаш на првата позиција се наоѓа францускиот голгетер. Мбапе на 26 години, 328 дена и 537 меча стигна до 400 погодоци и е најмлад во ова друштво до тоа постигнување.

Меси до 400 голови во кариерата стигна на 27 години и 95 дена, додека Роналдо го постигна неговиот 400. погодок на возраст од 28 години и 335 дена.