Манчестер Сити подготвен да го сруши клупскиот рекорд за замената за Родри

19 ноември 2024 - 08:45

И покрај процесот што се води против клубот за наводни 115 прекршувања на финансискиот ферплеј, Манчестер Сити не престанува да размислува на засилувања.

Со оглед на тоа што сезоната за Родри заврши, клубот бара замена за него и изборот паднал на талентот на ПСЖ, Ворен Зер-Емери. Досега во конкуренција беа Зубименди од Сосиедад, Едерсон од Аталанта и Рејндерс од Милано, но сега се појави и името на младиот Французин.

Тој има само 18 години, а веќе три сезони е првотимец со тоа што последните две е исклучително важен играч. Веќе забележа 88 настапи со 7 гола и 8 асистенции, а тоа му донесе и место во француската репрезентација за која веќе одигра 6 меча и постигна еден гол.

За да го донесат во своите редови, „граѓаните“ се подготвени да го направат Зер-Емери најскап играч во историјата на клубот. Актуелен рекордер е Џек Грилиш за кого клубот плати 117 милиони евра, а за младиот Французин би платиле и 120 милиони.