Манчестер јунајтед го користи Санчо за да добие огромно засилување!

17 јуни 2025 - 10:14

Англискиот фудбалер Џејдон Санчо се враќа во Манчестер јунајтед, откако минатата сезона играше на позајмица во Челси, кој реши да не го откупи неговиот договор од големиот ривал, меѓутоа талентираниот фудбалер наскоро би можел повторно да го промени клубот.

На врвот на листата со желби на Рубен Аморим се наоѓа Виктор Осимен од Наполи, а Манчестер јунајтед сака да го искористи Санчо за да го ангажира искусниот напаѓач.

Новинарот Џанлука Ди Марцио објави дека Наполи покажал интерес за Санчо, а „ѓаволите“ ќе го понудат во размена за Осимен за да ја намалат цената на Нигериецот.

Осимен веќе имаше богати понуди од Саудиска Арабија, но реши да ги одбие и засега не е јасен неговиот план за иднината.

Фото: Facebook/Chelsea FC