Легендарниот Начо по 23 години со солзи во очите се збогува со Реал Мадрид (ВИДЕО)

25 јули 2024 - 14:02

Една од легендите на Реал Мадрид, Начо Фернандес, по 23 години одиграни во дресот на шпанскиот гигант ќе потпише за екипата од Саудиска Арабија, Ал-Кадисија, каде што ќе заработи вистинско богатство.

Во негова чест беше приредена манифестација, а кога се прикажуваше видеото со трофеите кои ги освои со „кралевите“, фудбалерот понесен од емоциите пушти и некоја солза.

Начо во Реал Мадрид пристигна на 11-годишна возраст, ги мина сите младински категории во академијата, настапуваше за втората екипа, па стигна да биде и капитен на првата екипа. Освои 26 трофеи со „кралскиот клуб“, со што е рекордер заедно со Лука Модриќ.