Крадци ограбиле фудбалер на Валенсија и му ја претепале девојката!

25 мај 2023 - 12:30

Разбојниците често наоѓаат начин како да ги ограбат фудбалерите во Италија и Шпанија, а последна жртва беше Џастин Клајверт од Валенсија.

Крадците го искористиле тоа што Клајверт и неговите колеги гостуваат во Мајорка, па влегле во неговиот дом и му земале 200.000 евра, а притоа ја претепале неговата девојка.

Напаѓачите почнале да ја тепаат несреќната девојка, која морала да им каже каде се сокриени скапите часовници и парите на Клајверт.

Девојката на фудбалерот заврши во болница, но нема посериозни повреди, а Клајверт ќе остане во Мајорка за да одигра важен меч за екипата која се бори за опстанок.