„Кога му кажав на Мурињо дека си заминувам од Реал, тој ме праша дали сум луд“

25 октомври 2019 - 20:08

Многумина сигурно го подзаборавија Хамит Алтинтоп, фудбалерот кој играше за турската репрезентација и неколку реномирани европски клубови, а дел од својата кариера ја помина и во екипата на Реал Мадрид.

Трансферот на „Сантијаго Бернабеу“ за Алтинтоп беше животна шанса, место каде ќе го покаже целиот свој квалитет, но по една година, тој ги спакува куферите и замина во Галатасарај.

Ова во најголем дел се должи поради повредите, а денот кога му кажа на тренерот Жозе Мурињо дека сака да го напушти Реал, сè уште е во неговото сеќавање.

Мурињо ме пречека во неговата канцеларија. Кога му реков дека сакам да си одам, тој стана и ми рече: „Дали си луд?“ Дали сакаш да го напуштиш Реал? Како можеш дури и да размислуваш за тоа?, Се присети Алтинтоп во интервјуто што го даде „Марка“, па додаде:

„Реал беше многу важен за мене. Го сакав градот, клубот, претседателот Флорентино Перез и сите луѓе во тимот, но едноставно не можев повеќе...“

Тој објасни што го натерало да го напушти Реал после само една година.

Во клубот имаше имиња како Роналдо, Касиљас, Игуаин, Бензема, Кедира... Кога ги гледате сите на едно место, знаете дека сте на вистинскиот пат, дека добро напредувате, но не се чувствував добро. Три месеци се обидов тренирам без болка, едноставно не бев вистинскиот Алтинтоп, додаде Турчинот.