Јувентус се договори со Ајакс за Де Лихт, медицинските прегледи закажани за утре
Според „Газета дело Спорт“, договорот помеѓу клубот и играчот бил затворен денеска наутро по долгиот разговор кој го имале двете страни. Инаку на преговарачката маса седнал добро познатиот агент, Мино Раиола, кој бил посредник во преговорите, и сакал набргу да заврши трансфер на својот клиент во редовите на Јуве.
Де Лихт ќе пристигне во Торино вечерва (најдоцна утре наутро) на лекарски прегледи и за дефинирање на последните формалности. Вкупниот надоместок платен на Ајакс ќе изнесува околу 70 милиони евра плус дополнителни бонуси. Договорот со „бјанконерите“ вклучува и ослободителна клаузула од 150 милиони евра.