Интер се збогати преку ноќ, а за тоа виновен е Јувентус!

05 октомври 2019 - 10:10

Екипата на Интер ќе има рекордна заработка од продажбата на билети за претстојниот меч против актуелниот шампион на Италија - Јувентус.

Дербито на Италија, на стадионот „Џузепе Меаца” во Милано, ќе привлече повеќе од 75.000 гледачи и домашниот клуб само од продажба на билети ќе заработи 6,5 милиони евра, што би било рекорд во историјата на италијанскиот фудбал.

Дури 20 проценти од публиката нема да бидат Италијанци, туку странци, и се очекува на трибините да има луѓе од околу 100 земји.

Интер сезонава реди само победи во Серија А, му бега два бода на првакот Јуве, па затоа и интересот е толку голем. Фановите на Интер веруваат дека може да ја прекинат доминацијата на Јувентус и оти ќе го освојат „скудетото”.