Игуаин го реши дербито на Италија: Прв пораз на Интер сезонава (ВИДЕО)

06 октомври 2019 - 22:44

Интер имаше шест победи по ред во Серија А, додека на „Џузепе Меаца“ не дојде шампионот Јувентус, кој славеше со 2-1 во рамки на 7.коло. 

Торинскиот тим го отвори натпреварот со прекрасен гол на Пауло Дибала во 4.минута. Лаутаро Мартинез израмни на 1-1 откако реализираше од белата точка по играта со рака на Матијс де Лихт во својот шеснаесетникот.

Во второто полувреме Јувентус одигра многу подобро, а победата ја донесе резервистот Гонзало Игуаин во 80-тата минута.  

„Старата дама“ со оваа победа го прескокна Интер на врвот на табелата и сега има 19 бодови, еден повеќе од својот ривал.