И тоа се случи: Марселино доби отказ, Валенсија остана без тренер пред големото дерби со Барса

11 септември 2019 - 20:17

Екипата на Валенсија остана без тренер во пресрет на големиот меч со Барселона претстојниот викенд во рамките на Ла Лига, откако Марселино доби шут - карта од сопственикот на клубот Питер Лим.

Според шпанските медиуми, Марселоно влегол во конфликт со Лим, бидејќи сопственикот на клубот му се мешал во спортско-техничкиот дел во клубот.

Марселињо не бил задоволен од потезите на Лим, а првиот човек на клубот не можел да ја „смири топката“ - па му врачил  отказ на тренерот.

Марселињо седна на клупата на Валенсија во 2017 година, откако двапати по ред беше дел од Лигата на шампионите, а минатата сезона триумфираше во Кралскиот куп.

Засега, тренер на клубот од „Местаља“ ќе биде поранешниот селектор на младинската репрезентација на Шпанија, Алберт Селадес.