Халанд со нов гол во триумфот на Дортмунд, Келн со „петарда“ ја почести Херта (ВИДЕО)
Дортмунд успеа да го постигне првиот гол дури во 52. минута, додека 14 минути подоцна успеа да зголеми на 2-0 и тоа преку Ерлинг Халанд, па така освоија нови три бода.
Келн немаше милост за Херта, па со убедливи 5-0 успеа да слави на гостувањето во Берлин. Кордоба постигна два гола на стартот, по што следеше автогол на Јарштајн за водство од 3-0 на Келн, додека во вторите 45 минути во листата на стрелци се запишаа и Кајнц и Ут.
На останатите натпревари Борусија Менхенгалдбах одигра 1-1 против Хофенхајм, а Фортуна Дизелдорф славеше кај Фрајбург со 2-0.
Баерн Минхен е лидер со 49 бодови, Дортмунд има 45, колку и Лајпциг на втората позиција, а во топ-4 е и Борусија Менхенгладбах.