Гвардиола не знае да губи, наместо да честита - се расправаше со Хендерсон! (ВИДЕО)

17 мај 2025 - 20:10

Пеп Гвардиола се надеваше дека триумф во ФА Купот ќе ја ублажи лошата сезона на Манчестер Сити, но не го освоија ниту овој трофеј, Кристал Палас дојде до историски пехар.

Еден од хероите на Кристал Палас беше голманот Дин Хендерсон кој му одбрани пенал на Мармуш.

Претходно се случи и контроверзен момент во кој Хендерсон требаше да добие црвен картон поради игра со рака надвор од шеснаесетникот, но му беше прогледано низ прсти.

Голманот на Кристал Палас на крајот и задржуваше време, а со сето тоа дополнително го наполни Гвардиола со гнев кој беше истурен токму врз Хендерсон по последниот судиски свиреж.