Флик го потврди заминувањето: Барселона остана без клупска легенда!

Станува збор за играч кој порасна во Барселона, за која одигра 373 натпревари и постигна 19 гола со 43 асистенции. За вториот тим на каталонците, пак, одигра 106 натпревари, со седум гола и три асистенции.

Серхи играше како десен бек, но и како фудбалер од средниот ред, што е негова природна позиција. За шпанската репрезентација има 11 настапи и еден гол. Во моментов не е познато во кој клуб ќе ја продолжи кариерата, а според Трансфермаркт тој вреди 2,5 милиони евра. Барселона е единствениот клуб за кој настапувал во кариерата, со кој освои седум титули во Ла Лига и два трофеи од Лигата на шампиони, заедно со шест пехари во Копа дел Реј.