Дебитантот Еспи го спаси Мурињо од шок на отворањето на сезоната (ВИДЕО)

22 август 2026 - 23:35

Реал Мадрид стигна до првата победа во новата сезона во Ла Лига, откако на гостувањето кај Еспањол славеше со 2-1 во драматичен натпревар кој беше решен во последните минути.

„Кралевите“ одлично го отворија мечот и поведоа во деветтата минута. Арда Ѓулер испрати одлична топка, а Џуд Белингем со глава ја затресе мрежата за 0-1. Еспањол не се предаде и успеа да израмни во 30. минута. Алекс Калатрава ја искористи асистенцијата од Хави Ернандес и го совлада Тибо Куртоа за 1-1.

Во второто полувреме Реал го презеде иницијативата и продолжи да создава шанси. Мадридскиот тим имаше повеќе посед и повеќе удари кон голот, но домаќинот долго време успешно се бранеше. Во завршницата, сепак, Реал успеа да стигне до победничкиот гол и да ги освои трите бода. Херој на мадридскиот тим беше дебитантот во белиот дрес Еспи кој искористи една добра акција на Мбапе, се ослободи од домашниот голман Дмитровиќ и ја затресе мрежата за голема победа. Со тоа тимот на Реал Мадрид ја започна сезоната со важен триумф на незгодното гостување во Каталонија.

Покрај тоа, Еспи му овозможи на Жозе Мурињо да избегне идентично сценарио како пред 16 години кога во првиот меч на клупата на Реал одигра нерешено на гостувањето кај Мајорка.