Чурлинов постигна прекрасен гол во победата на Јагелонија (ВИДЕО)

16 февруари 2025 - 21:18

Македонскиот фудбалер Дарко Чурлинов постигна гол во победата на Јагелонија од 3-0 против Мотор Лублин во 21. коло од полскиот шампионат.

Чурлинов беше стрелец на вториот погодок за Јагелонија во 59. минута, откако издрибла еден противнички фудбалер и потоа ја испрати топката во мрежата на ривалот.

Ова беше трет гол за македонскиот интернационалец за Јагелонија оваа сезона.