Четвртолигаш продал 112.000 билети за - имагинарен натпревар!
Таков е случајот со германскиот четвртолигаш Локомотива од Лајпциг. Верувале или не, овој тим успеа да изрекламира имагинарен натпревар, кој ќе се „одигра“ на 8 мај, дури и да продаде неверојатни 112.000 влезници за него!
Секоја од влезниците чини по едно евро и на фановите не им е ама баш никаков проблем да го направат овој симпатичен потег, додека се затворени по дома, а клубот убаво се офајди. Целта им е до 8 мај да стигнат до 120.000 билети, колку што биле продадени во 1987 година, во филането од Купот на саемски градови, против Бордо.
Ова може да биде добар пример и за македонските клубови, а два од нив се веќе чекор понапред од Германците. Осогово и Вардар веќе „одиграа“ замислен натпревар на Твитер, кој заврши 5-5, па сигурно би им дошло добро ако некој придонесеше со симболична сума да „присуствува на трибините“.