Работнички и Силекс одиграа без голови на мечот на кој се тестираше ВАР системот!

02 јули 2025 - 21:04

На тренинг центарот „Петар Милошевски“ денеска се одигра пријателски меч меѓу Работнички и Силекс, за двата тима ова беше и генералка пред квалификациите во Конференциската лига.

На натпреварот на кој немаше голови ФФМ ја тестираше и ВАР технологијата која треба да се применува на мечевите од новата сезона во Првата македонска фудбалска лига.

Работнички и Силекс се две од четирите македонски екипи кои настапуваат во европските квалификации.

Работнички на 10 јули игра против Торпедо, меч кој се игра во Унгарија, а Силекс му гостува на Дечиќ во Црна Гора. Реваншите се седум дена подоцна во Скопје.