Младински репрезентативец ја напушти Чешка да го облече дресот на Брера!

01 август 2024 - 12:21

Македонскиот прволигаш Брера Струмица промовира уште еден перспективен фудбалер, а тоа е младинскиот репрезентативец Филип Антовски кој ја напушти Чешка и се врати во татковината.

Антовски доаѓа во Струмица од редовите на чешки Карвина, а со Брера потпиша договор и следната сезона ќе биде дел од првиот тим на тренерот Бојан Круљ.

Младиот македонски фудбалер потекнува од младинските погони на Вардар, кој потоа замина во Динамо Загреб, а во текот на кариерата играше и за Славија Софија, Австрија Виена и Истра од Хрватска.