ФФМ распиша конкурс за изработка на шампионски пехар за Првата лига

17 декември 2025 - 16:37

Фудбалската федерација на Македонија (ФФМ) распиша конкурс за изработка на шампионски пехар за освојувачот на Првата македонска фудбалска лига (ПМФЛ).

ФФМ сака преку конкурсот да добие современо, препознатливо и автентично уметничко решение за новиот трофеј наменет за шампионот.

Идејните решенија може да се достават електронски на ffm@ffm.com.mk или во архивата на ФФМ (бул. АСНОМ 21) најдоцна до 15 март 2026, додека условите за учество следат во продолжение или на веб-сајтот на ФФМ.

Право на учество имаат: академски уметници, дизајнери, студенти на ликовни академии, архитекти, скулптори и други лица со креативен визуелен израз. Секој учесник може да конкурира со најмногу три идејни решенија.

Учесниците треба да достават:

  • Кратко образложение за концептот на пехарот.
  • Визуелна презентација: скица, 3D рендер, технички цртеж или макета (фотографии).
  • Предлог материјали, висина и форма на пехарот.
  • Контакт информации.
  • Критериуми за избор
  • Креативност и оригиналност
  • Препознатлив македонски визуелен идентитет
  • Функционалност и издржливост
  • Можност за реализација
  • Естетика и симболика