Чурлинов нема да игра против Норич од тага поради смртта на Кралицата!

Смртта на Кралицата Елизабета, која почина вчера на 96-годишна возраст, ја парализира цела Велика Британија, вклучувајќи ги и спортските настани, кои за денеска се целосно – откажани.

Тоа значи и одложување на мечот од Чемпионшип лигата помеѓу Барнли, за кој настапува нашиот Дарко Чурлинов, и Норич, а кој требаше да се одигра во 21 часот. Нема да се игра ниту дуелот од Лига 2 помеѓу Транмере и Стокпорт Каунти, а одложен е и мечот од шкотската лига помеѓу Ков Ренџерс и Данди. Суспендирана е и велосипедската Трката околу Британија, како и вториот дел од голф-турнирот од ПГА-серијата.

Засега нема одлука од челниците на Премиер лигата дали ќе биде одложено колото кое треба да се одигра претстојниов викенд, а најавено дека таа ќе биде донесена денеска.