Скандал во српскиот Куп: Спартак го предаде мечот, Ц. Звезда е шампион!

23 мај 2024 - 20:53

Фудбалерките на Црвена Звезда го освоија Купот на Србија, откако во финалето беа подобри од Спартак со службен резултат 3-0, откако нивните противнички се повлекоа од теренот.

Спартак излезе на теренот со седум фудбалерки, по што една од нив се „повреди“ на стартот и дуелот траеше само неколку секунди пред да биде прекинат.

Меѓу двете екипи веќе некое време постои нетрпеливост, откако Спартак ја обвини Ц. Звезда дека им ја украла титулата.