Просинечки посочи дел од најдобрите фудбалери од поранешна Југославија
На Просинечки не му беше лесно да каже, но сепак посочи неколку имиња.
„Тешко е да се одбере најдобар. Ако сега кажам Дејан Савичевиќ, луѓето ќе мислат дека го бирам бидејќи ми е претседател. Имаше многу одлични фудбалери на овие простори, голем дел од нив ги одбележаа своите генерации. Генерацијата на Хрватска беше полна, да не зборуваме за времето на Црвена Звезда… Потоа и во репрезентацијата на Југославија играчи направија врвни кариери, со години беа во најголемите клубови на светот.
Еден од најдобрите со сигурност е Дејо, тука се и Шукер, Бобан, Папе Сушиќ… Ова се фудбалери кои ми паднаа на памет набрзина. Не сакам никој да се налути. Тоа беа играчи кои го одбележаа светскиот фудбал, а не само во Југославија“, изјави Просинечки.