Јакимовски не му дозволи шампионско славје на ПАОК (ВИДЕО)

14 април 2019 - 21:10

Македонскиот интернационалец Никола Јакимовски го сопре солунски ПАОК да прослави шампионска титула вечерва, откако со неговиот гол АЕЛ Лариса обезбеди реми во мечот кој им беше и тоа како потребен во трката за опстанокот.

Јакимовски погоди во 64-та минута, девет минути откако ПАОК поведе на мечот и ги изненади солунските црно-бели, кои очекуваа сигурна победа. ПАОК останува лидер со 74 бода, осум повеќе од Олимпијакос , но со меч повеќе од пирејските црвено-бели и нивни најголеми ривали.

Солунскиот гигант останува главен фаворит за шампионската титула и се многу близу до круната, која ја чекаат повеќе од три децении.