Успех на кариерата за Носкова, првпат го освои Вимблдон!

Во меч кој траеше два часа и 29 минути, Носкова одигра одлично и успеа да се извлече од тешка ситуација за на крајот да стигне до историската победа. Од самиот почеток беше јасно дека има голема самодоверба и со агресивна игра и длабоки удари изврши силен притисок врз сервисот на Мухова.

Првиот сет заврши за само 32 минути со убедливи 6-2 за Носкова, бидејќи Мухова едноставно немаше одговор за одличните ритерни на својата противничка.

Во вториот сет се очекуваше искусната Мухова да возврати, но Носкова не забави. Брзо стигна до предност од 5-2 и изгледаше дека има сè под контрола. Сепак, Мухова покажа карактер и успеа да се врати во мечот. Прво спаси три меч-топки, а при резултат 5-3 ја искористи дури седмата брејк топка и го врати загубениот сервис.

Драмата продолжи и во следниот гем, кога Мухова спаси уште една меч-топка, а потоа израмни на 5-5. Во налетот освои пет гема по ред и го доби вториот сет со 7-5.

Кога се очекуваше целосен пресврт и пад на Носкова во решавачкиот сет, младата Чехинка покажа сила. Направи брејк во вториот гем и овојпат сигурно ја задржа предноста до крајот, славејќи со 6-3.

За Носкова ова беше и прв грен-слем трофеј во нејзината кариера.