Тотален анонимус го елиминира деветтиот тенисер на светот на турнирот во Бастад!

17 јули 2024 - 16:28

Деветтиот тенисер во светот, Каспер Руд, неочекувано уште во осминафиналето го заврши настапот на турнирот во шведскиот град Бастад, откако сензационално загуби од Тиаго Монтеиро, кој во моментов е 85. тенисер на АТП листата.

Тоталниот анонимус од Бразил го совлада Норвежанецот со 6-3, 6-3 во сетови и се пласира меѓу осумте најдобри на турнирот, за што му беа потребни нешто помалку од 90 минути.

Бразилецот во четвртфиналето ќе игра против подобриот од дуелот меѓу Русинот Павел Котов (60. позиција на АТП) и Дује Ајдуковиќ од Хрватска (130. позиција).