Разочарување: Ѓоковиќ и Алкараз нема да се сретнат во финалето на „Ролан Гарос“!

25 мај 2023 - 17:45

Денешната ждрепка за претстојниот тениски гренслем турнир „Роланд Гарос“ сакаше двајцата најголеми фаворити за трофејот, Карлос Алкараз и Новак Ѓоковиќ, да се најдат во иста половина од костурот што, пак, значи дека сигурно нема да може да ги одмерат силите во големото финале.

Причина за ваквата лоша вест за сите тениски вљубеници е фактот што Србинот во последен момент падна на третата позиција на АТП-листата, а со тоа ја доби улогата на трет носител во Париз, додека зад најдобриот Алкараз се најде Данил Медведев, кој иамо е втор светски рект не се снаоѓа баш добро на земјена подлога. Шпанецот во првата рунда ќе се сретне со квалификант, додека Ѓоковиќ ќе ја започне трката по рекордна 23. гренслем-титула со дуел со американскиот тенисер Александар Ковачевиќ.

Во истата четвртина со Алкарас е Стефанос Циципас, додека кај Ѓоковиќ е Андреј Рубљов, а најдобриот во ова друштво ќе обезбеди место во финалето. Во другиот дел, Медведев е во четвртината со Синер, Зверев и Димитров, а во последната четвртина од ждребот се Руне, Фриц и Руд, како највисоко поставени носители. Од овие две четвртини ќе дојде и вториот финалист. „Ролан Гарос“ почнува в недела, а од претходно се знаеше дека на него нема да учествува повредениот Рафаел Надал.