Ѓорческа лесно до второто коло на 60.000 долари вредниот турнир во Копер!

Натпреварот траеше 101 минута, а Ѓорческа го доби првиот сет со 7-5 по жестока борба и пет разменети брејкови. Иако го загуби својот сервис на самиот почеток, веднаш возврати со ри-брејк, а потоа поведе со 4-1. Беноа успеа да се врати и да намали на 5-4, но македонската претставничка во 12. гем ја искористи четвртата брејк/сет топка и го затвори сетот во своја корист. Македонката во вториот сет покажа уште поголема контрола. Откако дозволи брејк за 2-1, веднаш го врати ритамот и ги доби сите наредни гемови, осигурувајќи си убедлива завршница со 6-2.

Ѓорческа во следната рунда би можела да се соочи со втората носителка на турнирот, Французинката Селена Јаничевиќ, доколку таа го оправда фаворитскиот статус во дуелот против Екатерине Горгодѕе.