Ѓоковиќ: Не жалам за ништо и му честитам на Алкараз, заслужи да се врати на тронот!

21 март 2023 - 16:43

Најдобриот српски тенисер Новак Ѓоковиќ даде интервју за „Си-Ен-Ен“ во кое зборуваше за неговите одлуки поради кои остана без настап на Индијан Велс и Мајами.

Ѓоковиќ кажа дека не жали поради неговите одлуки, по што испрати честитка до новиот лидер на АТП-листата, Карлос Алкараз.

„Не жалам за ништо. Во животот научив дека тоа може да ви наштети и да ве натера да живеете во минатото, а јас тоа не го сакам. Не сакам да живеам ниту во иднината. Сакам да бидам во сегашноста колку што е можно, но и да размислувам за иднината. Му честитам на Алкараз, заслужи да се врати на тронот“, кажа Ѓоковиќ.