Федерер: Едвај чекам на нов меч со Новак Ѓоковиќ!
Прва шанса за реприза од вимблдонското финале можно е да има во Синсинати, каде Ѓоковиќ и Федерер би се соочиле во полуфиналето.
„Едвај го чекам првиот меч со Ѓоковиќ за да покажам колку можам. Наместо да велам 'сѐ е лошо' или 'се надевам дека не морам повеќе да играм тенис', мислам дека е подобро да размислувам на ваков начин. На победите не се сеќавате многу долго, ама поразите многу повеќе остануваат во вашите мисли. Особено ако станува збор за финалиња. Мислам дека е многу важно како ќе реагирам после сѐ“, вели Федерер.
Швајцарецот објави и како се чувствувал во следните неколку денови после поразот на Вимблдон.
„Постојано го враќав филмот, за да сфатам што сѐ случува. Се враќаат детали од финалето, добрите и лошите моменти. Сѐ е тоа до моментот кога ќе се вратите на терен. Потоа почнувате да размислувате на следниот турнир, на следниот предизвик и заборавате на претходното. После Вимблдон заминав со семејството во Швајцарија, малку да се опуштам, па да продолжам со тренинзи. Прво кондициски, па тениски. Поентата е на турнирот да дојдете свежи“, додава Федерер.