Британска тенисерка се онесвести на терен – ја изнесоа со инвалидска количка (ВИДЕО)

02 април 2025 - 13:06

Британската тенисерка, Франческа Џонс (24), се онесвести на теренот за време на мечот од Купот Колсанитас во Богота, па мораше да биде изнесена со инвалидска количка.

Натпреварот беше прекинат во третиот сет, при резултат 5-3 во корист на Аргентинката Хулија Риера, која ја доби победата со предавање на противничката. Причината за колапсот сè уште не е позната. Џонс, која е 129. на светската ранг-листа, е родена со реткиот синдром ектодермална дисплазија, поради кој има два прста помалку на раката и три на ногата. Иако докторите ѝ прогнозирале дека нема да може професионално да се занимава со тенис, таа успешно ја гради својата кариера и настапува на светската сцена.

Несреќниот момент се случи додека сервираше во одлучувачкиот сет. По инцидентот, организаторите на турнирот ѝ посакаа брзо закрепнување. Видеото може да го видите ТУКА.