„Нема да бегаме од косовските олимпијци ако се сретнеме во Париз“

25 јули 2024 - 17:01

Претседателот на Олимпискиот комитет на Србија, Божидар Маљковиќ кажа дека српските спортисти треба да се качат на подиумот и во случај ако таму се најде некој натпреварувач од Косово.

Јавноста дискутираше на оваа тема и мнозинството смета дека српските олимпијци не треба да се качат на подиумот ако на него има место и за косовски спортист поради спорот кој го имаат двете држави.

„Мојот став е дека треба да одиме на подиумот. Не е српски да се бега од некого. Треба да се победи тој спортист од Косово. Тие се член на Меѓународниот олимписки комитет“, кажа Маљковиќ.

Маљковиќ откри и дека во 2016 година на Србија ѝ било посочено дека ќе биде исфрлена од игрите ако одбие да настапи против ривал од Косово.