Македонските спортисти дојдоа до првиот „трофеј“ на ЛОИ – селфи со Алкараз (ФОТО)

Тоа го направи џудистот Еди Шерифовски, кој на социјалните мрежи се „пофали“ со селфи со актуелниот победник на Ролан Гарос и на Вимблдон, Карлос Алкараз. Во отсуство на Новак Ѓоковиќ, кој реши на овие Игри да биде сместен во хотел, шпанскиот тенисер дефинитивно е една од најголемите ѕвезди во олимпиското село, а со тоа е потенцијална мета на многумина заинтересирани за заедничка фотографија.

Шерифовски истовремено сподели и дел од работите кои секој учесник на ЛОИ ги добива, меѓу кои доминира и олимписката верзија на мобилниот телефон од компанијата Самсунг. Тој е еден од шесте македонски спортисти, кои ќе настапат во Париз меѓу кои се уште и пливачот Никола Ѓуретановиќ, атлетичарот Дарио Ивановски, борачот Владимир Егоров, таеквондистката Милијана Рељиќ и Анастасија Мојсовска, која ќе настапи во дисциплината спортско стрелаштво.