Фото-финиш опасен по здравјето: Фуркад освои злато за милиметри! (ФОТО)
Судбината си поигра со Фуркад, бидејќи му приреди идентичен финиш на оваа трка како и пред четири години во Сочи. Тогаш тој го извлече подебелиот крај и мораше да го стега грлото бидејќи за милиметри го загуби златото од Емил Хегле Свендсен од Норвешка. Овој пат тој беше победник, а „само“ сребрен остана Симон Шемп од Германија. И двајцата промашија по еднаш на последното стрелиште, па влегоа во мртва трка на целната рамнина по што неколку минути се чекаше фото-финишот за да биде прогласен победникот.
На оваа фотографија од фото-финишот се гледа дека чизмата на Фуркад прва влегува низ целта, иако стотите делови од секудната не го покажуваат тоа. И двајцата остварија време 35:47.3. На трето место заврши душманот на Фуркад од пред четири години, Норвежанецот Свендсен, во сопствена драма со Германецот Ерик Лесер. Тој имаше голема предност, беше во друштво на Фуркад и Шемп, но и тој утна на последното стрелиште, но не беше доволно брз да го одбие нападот од конкурентите зад себе.