Бронзата во Таранто го мотивираше Рустемовски: Одиме по злато на ОИ во Лос Анџелес!

27 август 2026 - 20:03

Најдобриот македонски боксер, Ален Рустемовски денеска го прими бронзениот медал од Медитеранските игри во Таранто каде што ја загуби вчерашната борба во полуфиналето.

Како што истакна Рустемовски во Таранто допатувал со желба за златен медал, меѓутоа таа цел за жал не се оствари. Сепак пред него се нови предизвици, а тука се и Олимписките игри во 2028 година каде што македонскиот боксер верува дека ќе се пласира.

„Очекувањата дефинитивно беа злато, меѓутоа мораме да се задоволиме со бронза и одиме понатаму. Следните предизвици се две европски првенства, првото е сениоорското во септември и следното до 23 години во ноември. Олимписките игри во Лос Анџелес секако се главна цел и се надевам ќе се видиме таму. Премногу сум благодарен на големата поддршка и одиме по злато во Лос Анџелес“.