Срцепарателно: Одбојкарски брачен пар најден заедно под урнатините во Газијантеп!

Како продолжува расчистувањето на теренот под урнатините во Турција, која вчера претрпе разорувачки земјотрес кој однесе најмалку 5.000 жртви, така се зголемува бројот на тажните приказна, како таа за пронајдените тела на брачна двојка одбојкари, Бетул Чобан Чакир и Бедретин Чакир.

Чобан Чакир е 27-годишна одбојкарка на турскиот прволигаш Меринос, додека за машкиот колектив на истата екипа настапувал и нејзиниот сопруг Бедретин.

„Нашата болка е голема. Со длабока тага дознавме за заминувањето на Бетул Чобан Чакир, која со години го претставуваше нашиот клуб на најдобар начин и нејзиниот сопруг Бедретин Чакир, исто така одбојкар. Им посакуваме Божја милост на нашиот спортист и неговата сопруга, рајот нека ви биде местото…“, стои во соопштението на клубот Меринос Волеј.