Тајсон даде интервју за „Нетфликс“ и го покажа својот гол задник (ВИДЕО)

16 ноември 2024 - 15:13

Легендарниот боксер Мајк Тајсон (58) рано утрово го претрпе својот седми пораз во професионалната кариера откако во рингот беше пораз од јутјуберот Џејк Пол (27).

Борбата беше пренесувана од платформата „Нетфликс“ која пред борбата емитуваше и кратко интервју со славниот боксер. Тоа интервју стана вирално, не поради тоа што го кажа Тајсон, туку поради тоа што го покажа.

Во разговорот Тајсон најави победа, но вниманието беше насочено на моментот кога тој си замина, а во кадарот јасно можеше да се види и неговиот задник.

„Интервјуто на Тајсон пред борбата беше дрско“, стои во објавата на „Нетфликс“ без да се посвети внимание на моментот поради кој снимката стана вирална.