Данска со трилер победа против Шведска обезбеди полуфинале на ЛОИ

07 август 2024 - 19:19

Данската ракометна репрезентација триумфираше против Шведска со 32-31 во драматичен натпревар и обезбед полуфинале на Летните олимписки игри (ЛОИ) во Париз.

Во првото полувреме се водеше голема борба меѓу ракометарите, а Данска во еден момент поведе со четири погодоци разлика, меѓутоа набрзо Шведска го засили темпото и влезе во ритам за да израмни на 16-16.

Интересно беше и во вторите 30 минути, каде што во драматична завршница до триумф стигна Данска и обезбеди место меѓу најдобрите четири селекции на ЛОИ.

Најефикасен во победничкиот тим беше Симон Питлик со девет голови, додека Феликс Клар запиша седум погодоци за Шведска.

Данска во полуфинале ќе се соочи против победникот од мечот меѓу Норвешка и Словенија.