Три промени во составот на Македонија за дуелот со Литванија

07 април 2024 - 12:30

Македонските ракометарки денеска ќе го одиграат последниот меч од квалификациите за Европското првенство (ЕП) кое ќе се одржи во 2024 година во Австрија, Унгарија и Швајцарија.

Македонија со триумфот против Азербејџан обезбеди пласман на ЕП 2024, па денеска без притисок ќе влезе во последниот меч против Литванија, а селекторот Кристијан Грчевски реши да направи три промени.

Од составот на Македонија отпаднаа Сара Ристовска, Сара Стефаноска и Ана Марија Коларовска, додека беа повикани Марија Јанкуловска, Катерина Дамјаноска и Емилијана Ризоска.

Средбата меѓу Македонија и Литванија се игра денеска од 18 часот во СЦ „Борис Трајковски“.