Франција пресилна за Македонија: Втор пораз за кадетите на ЕП

30 јули 2026 - 13:35

Ракометната репрезентација на Македонија до 18 години денеска беше поразена од Франција со 25-36 во вториот натпревар на Европското првенство (ЕП).

Македонија даваше отпор на стартот на натпреварот, по што Франција ја презема контролата и на полувреме замина со водство од 20-13.

Франција доминираше и во вториот дел, додека Македонија не успеа да фати ритам и да ја намали негативата до крајот на средбата (25-36).

Најефикасен кај Македонија беше Бобан Поповски со шест голови, додека Боисне-Нок запиша седум погодоци за Франција.

Македонија го игра третиот меч на ЕП на 1 август против Шведска.

Фото: РФМ