Барса за едно полувреме го победи ГОГ, Фуксе со цел плен се враќа од Нант!

Барселона стартуваше моќно, го победи ГОГ со 37-32, но резултатот не е вистинска слика на она што се случуваше на теренот.

Каталонците во првото полувреме направија и 12 голови разлика, а на одморот заминаа со 11, беше 25-14. Откако стана јасно дека го решија прашањето за победникот, следуваше опуштање во вторите 30 минути по кои ГОГ значително намали и се избори дури и за пристоен пораз од пет голови разлика, 37-32.

Ова беше меч од групата на Пелистер, а денеска од оваа група се одигра и дуелот меѓу ПИК Сегед и Висла Плоцк кој го добија гостите со 34-33.

Во другата група гостинска победа забележа Фуксе Берлин кој со 40-34 славеше кај Нант, а најубедлив беше Кјелце кој со 38-27 го растури Колштад.