Борко ќе го тужи МОК, а парите од Лозана ќе ги донира на РК и ФК Вардар!

Притоа потенцира дека намерата не му е да заработи од МОК, туку какви било средства, кои би ги добил од таков случај, би ги донирал во РК и во ФК Вардар.

„Бев во контакт со неколку адвокати од странство и сите ми кажаа дека имам правна основа за тужба до Спортскиот суд во Лозана. Јас ќе го искористам тоа право и во наредниот период ќе испратам тужба до овој суд. Мојата цел не е да се земат средства од МОК, тоа се средтва од спортистите. Сакам јасно да ставам до знаење дека немам намера да заработам со парите што би ги добил бидејќи јас ова не го правам за пари. Било кои средства што ќе ги добијам, ќе ги подарам на спортски клубови, половина за РК а половина за ФК Вардар“, изјави Ристовски, додавајќи дека нема амбиција да биде претседател на МОК.

Според консултациите со својот адвокат, Борко рече дека очекува сумата која би се добила од ваква тужба би се движела од 180.000 до 230.000 евра.