Брат на ѕвезда од НФЛ убил противнички тренер – среде меч (ВИДЕО)

16 август 2022 - 14:05

Ужасна снимка доаѓа од САД каде што на меч од младинската лига во американски фудбал брутално бил убиен тренерот на една од екипите, Мајк Хикмон.

На видеото може да се види како за време на средбата повеќе луѓе од трибините влегуваат на теренот, по што доаѓа до голема гужва и се слуша истрел. Тоа донесе хаос и стампедо на преплашени луѓе, додека смртно ранетиот Хикмон остана да лежи на тревата.

Лекарската екипа веднаш втрча да му помогне на настраданиот, но само констатираа смрт по пристигнувањето во болница. Обвинет за убиството е Јакуб Талибо, брат на НФЛ-ѕвездата Акиб Талибо, кој неофицијално бил тренер на противничката екипа.