Две тенисерки од топ-10 се откажаа од настап на Ју-Ес Опен
Претходно првата тенисерка во светот најави дека ќе го пропушти турнирот во Њујорк, а сега се откажаа уште две тенисерки од топ-10 на ВТА-листата.
„Поради тоа што се случува во светот јас решив да не играм на Ју-Ес Опен. Ги разбирам и почитувам сите напори кои беа вложени за да се организира турнирот, но јас не сакам да се ставам себе и својот тим на ризик со патување во САД“, порача Свитолина.
Од исти причини од турнирот се повлече и Бертенс.
„Решив да не патувам во САД и да не учествувам на Синсинати и Ју-Ес Опен. Ситуацијата со пандемијата на коронавирусот е загрижувачка, а здравјето на сите е приоритет“, објасни седмата тенисерка од ВТА-листата.
7/8/20*** https://t.co/IoNyruGUtp
— José Morgado (@josemorgado) August 7, 2020